Viltu spara þér tíma við að koma töluðu máli í texta?
Í daglegu amstri getur það sparað mikinn tíma að velta upp hugmyndum og texta upphátt. Hins vegar er það tímafrekt og flókið að umskrifa talað mál á skrifað form með réttum greinarmerkjum og sniðmáti. Hreimur er byltingarkennd tæknilausn sem einfaldar þetta ferli með því að breyta töluðu íslensku máli í vel uppsettan texta með öllum viðeigandi greinarmerkjum og hástöfum á réttum stöðum. Hreimur skilar einnig skjátextum með tímakóðum, sem svo er hægt að þýða á önnur tungumál.
Hreimur er fjölbreytt tól, tilvalið fyrir fréttafólk og aðra sem vinna texta upp úr viðtölum, fólk sem á erfitt með skrif, áhrifavalda og markaðsfólk í leit að hágæða skjátextunarlausn og öll þau sem vilja hraðvirka leið til þess að koma hugmyndum sínum á blað.
Nákvæmni og skilvirkni: Hreimur notar háþróaða gervigreind til að greina talað mál og setur sjálfkrafa greinarmerki eins og punkta, kommur, bandstrik, spurningarmerki og fleira, á rétta staði. Þetta tryggir nákvæmni og sparar dýrmætan tíma í yfirlestri.
Notendavænt viðmót: Hönnun Hreims er notendavæn og einföld og gerir öllum kleift, óháð tæknikunnáttu, að nýta sér öfluga virkni vörunnar.
Fjölhæfni: Hvort sem þú ert að skrifa bók eða erindi, texta sjónvarpsefni eða fá tímasett handrit upp úr hlaðvarpi, getur Hreimur hjálpað þér að umbreyta hugmyndum þínum úr tali í skrif, með réttri uppsetningu. Hreimur greinir bæði íslenskt og enskt tal og auðvelt er að þýða úttakið yfir á fjölmörg önnur tungumál.
Leiðréttingar: Hreimur eyðir hikorðum, stami og endurtekningum í talmáli þegar það er fært yfir á ritað mál.
Mælendagreining: Hreimur greinir hver er að tala hverju sinni og skilar frá sér úttaki þar sem mælendur eru aðgreindir.
Hvernig virkar Hreimur?
Þú byrjar á að hlaða upp hljóðskrá. Hreimur greinir síðan talið, breytir því í skrifaðan texta og bætir sjálfkrafa við greinarmerkjum þar sem við á. Hreimur býr líka til skjátexta og getur greint mælendur ef þú velur það. Þú getur svo yfirfarið og aðlagað textann eftir þörfum áður en þú notar hann áfram. Meðal annars er hægur leikur að senda textann í yfirlestur í Málfríði og að fá Erlend til að þýða textann eða skjátextann. Hreimur opnar nýjar leiðir fyrir skapandi og fagleg skrif, með því að gera ferlið frá tali til texta einfaldara, hraðara og nákvæmara. Hvort sem þú ert rithöfundur, fréttamaður, nemandi, eða fyrirlesari, mun Hreimur breyta því hvernig þú vinnur með texta.
