Viltu skila frá þér fagmannlegri og fínpússaðri texta?
Málfríður lagfærir stafsetningu, málfræði og stíl í texta á augabragði. Málfríður býður einnig upp á ýmsar spennandi aðgerðir í hliðarstikunni hægra megin. Þar er hægt að fá samantekt á texta, svo sem á formi fundargerðar, þar sem dagskrá, umræður og ákvarðanir eru dregnar saman á hnitmiðaðan hátt á íslensku og skipt upp eftir umfjöllunarefnum. Í hliðarstikunni er einnig hægt að fletta upp orðum í ýmsum orðabókum, annaðhvort með því að skrifa orð í leitarglugga eða velja það í ritli. Loks er hægt að útbúa einfalda útgáfu af hvaða texta sem er, til þess að gera hann aðgengilegan ólíkum hópum fólks og til að útskýra flókin málefni á einfaldan hátt.
Málfríður hentar öllum sem vilja lyfta skrifum sínum upp á næsta stig og sparar tíma og fyrirhöfn.
Leiðréttingar með hjálp gervigreindar: Málfríður beitir öflugri gervigreindartækni til að greina flóknar málfræði- og stílvillur sem hefðbundin leiðréttingartól koma ekki auga á.
Uppflettingar í orðabókum: Snara er aðgengileg í hliðarstiku Málfríðar og því hefur aldrei verið auðveldara að skrifa íslenskan texta með hjálp bestu fáanlegu orðabóka.
Sniðmát: Texti sem er afritaður inn í viðmót Málfríðar heldur sniðmáti sínu, s.s. feitletrun, leturgerð og öðru í þeim dúr. Það er því auðvelt að láta Málfríði lesa yfir staka kafla í ritgerð eða skýrslu.
Notendavænt viðmót: Málfríður er auðveld í notkun, hvort sem þú ert byrjandi eða sérfræðingur í ritun. Málfríður er hönnuð með þægindi notandans í huga.
Fundargerðir upp úr flóknu efni: Málfríður býður einnig upp á samantekt á textaefni. Hægt er að senda texta beint í samantekt í hliðarstiku Málfríðar en einnig er hægt að tengja aðrar lausnir Málstaðar inn í lengra flæði. Þannig er hægt að senda upptöku af fundi inn í Hreim til talgreiningar og fá út uppskrifað handrit fundarins með tímakóðum. Þaðan má senda handritið til samantektar Málfríðar, og fá út hnitmiðaða fundargerð. Loks er hægt að senda fundargerðina til Erlends og fá hana þýdda á fjölmörg tungumál.
Flókinn texti gerður einfaldari: Málfríður umbreytir hvaða texta sem er í einfalt og hnitmiðað mál. Þessi lausn hentar breiðum hópi notenda, bæði þeim sem vilja einfalda mál sitt og þeim sem þarfnast hjálpar til að skilja flókinn texta.
Hvernig nota ég Málfríði?
Viðmót Málfríðar er einfalt. Þú getur skrifað beint inn í viðmótið, afritað inn texta eða hlaðið upp skrá. Málfríður tekur fljótt við sér, greinir textann sjálfkrafa og bendir á atriði sem má bæta. Þú færð síðan val um að samþykkja eða hafna tillögum, sem gefur þér fulla stjórn á endanlegri útgáfu textans. Töfratakkinn í tækjastikunni og hliðarstikan gefa svo áskrifendum enn umfangsmeiri virkni, svo sem samantekt, einfalt mál, uppflettingar í orðabókum, að hlaða inn skjölum og að senda í þýðingu í Erlend. Hvort sem þú ert að skrifa bók, undirbúa kynningu, eða vilt einfaldlega skrifa betri tölvupósta, þá er Málfríður öflugt verkfæri sem hjálpar skilaboðum þínum að hitta í mark.
