Íslenska er
okkar mál

Við gerum íslenskuna gjaldgenga í tölvum, símum og tækjum.

Íslenska er okkar mál

Miðeind er leiðandi hugbúnaðarfyrirtæki á sviði máltækni og gervigreindar

Miðeind vinnur að máltækni og gervigreind fyrir íslensku.
Tæknin okkar gerir kleift að vinna með íslenskan texta og talmál
í tölvum, símum og öðrum tækjum.
Hugbúnaður Miðeindar er opinn og nýtist
almenningi, fyrirtækjum og rannsakendum.

Um Miðeind
Um tæknina

Á íslensku má alltaf
finna svar

Tæknina okkar má meðal annars nota til að vinna upplýsingar upp úr texta, lesa yfir stafsetningu og málfar, þýða texta milli íslensku og annarra tungumála, útbúa samantektir, svara spurningum o.m.fl.

Um tæknina

Hæ, ég heiti Embla

Embla er nýtt og spennandi app fyrir iPhone og Android snjallsíma. Þú getur talað við Emblu á íslensku, spurt hana spurninga og hún svarar um hæl. Hún skilur ýmsar algengar spurningar og svarar þeim eftir bestu getu. Með tíð og tíma — og kannski með þinni aðstoð — mun hún læra að svara fleiri tegundum spurninga.

Nánar um Emblu
Embla á snjallsíma
Opin uppspretta

Opin uppspretta

Greynir er máltæknivélin okkar og hjartað í Emblu. Greynir kann ógrynni málfræðireglna fyrir íslensku og getur þáttað íslenskar setningar í frumeindir sínar: hver er að gera hvað og við hvern. Föll, tölur, persónur og kyn vefjast ekki fyrir honum, þótt íslenskan geti stundum verið erfið viðureignar. Greynir er opinn hugbúnaður og ókeypis sem slíkur.

Opinn hugbúnaður
Það er gaman í vinnunni

Það er gaman í vinnunni

Hjá Miðeind starfar þéttur og öflugur hópur fólks með brennandi áhuga á máltækni og gervigreind. Við segjum stundum að við störfum á mörkum rannsókna og hagnýtingar, og þar er gaman að vera. Við tökum þátt í fimm ára máltækniáætlun stjórnvalda, þar sem unnið er að kjarnaverkefnum og innviðum fyrir íslensku. Við þróum jafnframt vöru og þjónustu sem byggir á nýtingu þessarar nýju og spennandi tækni til hagsbóta fyrir almenning og atvinnulíf. Ef þig langar að slást í hópinn skaltu endilega senda okkur póst á mideind@mideind.is!

Persónuvernd

Sjáðu í gegnum holt og hæðir…

Heimurinn verður sífellt tæknivæddari. Stóru alþjóðlegu tæknifyrirtækin ráða miklu um þróunina. Í því umhverfi verður æ mikilvægara að huga að gegnsæi, persónuvernd og eignarhaldi á gögnum. Miðeind er íslenskt sprotafyrirtæki sem byggir á litlu en öflugu teymi og er annt um íslenska tungu í tækniveröld. Við tökum persónuvernd alvarlega. Þú hefur ávallt stjórn á þínum gögnum hjá okkur og hugbúnaður okkar er opinn á netinu, hverjum sem er til skoðunar.